Жыл башынан бери кыргызстандыктар 477,7 млрд сом насыя алышкан
Жыл башынан бери банк секторунун кардарларынын кредит портфелинин көлөмү 40,2%га өсүү менен 477,7 млрд сомду түздү. Бул тууралуу Улуттук банктан билдиришти.
Маалыматка ылайык, финансылык жөнгө салуучу органдын маалыматына караганда, банк секторунун суммардык активдери 38% өсүү менен 1 125,2 млрд сомду, ал эми кардарлардын жалпы депозиттик базасы 35%га өсүп, 800 млрд сомду түздү.
Ошондой эле Ислам принциптери боюнча каржылоо көлөмү 91,5%га өсүп, 17,3 млрд сомду түздү.
Белгилей кетсек, 2025-жылдын 31-октябрына карата Кыргызстанда 21 коммерциялык банк жана коммерциялык банктардын 306 филиалы иштеп турган.
