Банктар

Германияда өлкө тарыхында эң ири банк тоноо болду

Ишкер Media

31 дек. 2025 15:35

Германиянын батышындагы Гельзенкирхен шаарында Sparkasse банкынын бөлүмү тонолду. DW агенттиги жергиликтүү полицияга таянып билдиргендей, кылмышкерлер банктык сейфтер жайгашкан бөлмө менен ага жанаша турган автоунаа токтотуучу жайдын ортосундагы бетон дубалды тешип киришкен.

Полициянын маалыматына ылайык, бир нече миң сейф бузулуп, келтирилген зыян ондогон миллион еврого бааланууда. Күбөлөрдүн айтымында, 28-декабрдын кечинде көп кабаттуу унаа токтотуучу жайдын тепкичинде чоң сумкаларды көтөрүп жүргөн белгисиз эркектерди көрүшкөн.

Байкоо камераларынын жазуулары 29-декабрдын таңында токтотуучу жайдан кара түстөгү Audi RS 6 унаасы чыгып кеткенин көрсөткөн. Унаадагы адамдар беткапчан болгон. Автоунаанын номер белгиси мурда Ганновер шаарында уурдалганы аныкталган. Полиция бул тоноону "абдан кесипкөй деңгээлде жасалган" деп баалады.

dpa агенттиги тергөөчүлөргө таянып билдиргендей, болжол менен 3 200 сейф бузулуп, жалпы суммасы 30 миллион еврого жакын акча, алтын жана баалуу зер буюмдар уурдалган. Сейфтердеги мүлк көп учурда жашыруун болгондуктан, так зыянды аныктоо кыйын.

Associated Press агенттиги Гельзенкирхен полициясына таянып, келтирилген зыян 10 миллиондон 90 миллион еврого чейин жетиши мүмкүн экенин маалымдады. ЖМКлар бул окуяны Германиянын тарыхындагы эң ири тоноолордун бири деп атап жатышат.

Sparkasse банкы ар бир сейф 10 300 еврого чейин камсыздандырылганын билдирди. Бирок 29–30-декабрда банктын имаратынын алдына нааразы болгон кардарлар чогулуп, көпчүлүгү алардын жоготуулары камсыздандыруу суммасынан кыйла жогору экенин айтышкан. Жалпысынан 2 700гө жакын адам жабыркаган.

Мындан тышкары окуңуз

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”