Эми акча алмаштыруучу жайлар кардарлардын каражат булагын текшерүүгө милдеттүү

КРнын Улуттук банкынын Кыргыз Республикасында нак чет өлкө валютасы менен алмашуу операцияларын жүргүзүү тартиби жөнүндө Жобосуна ылайык, атайын чара көрүү каралган. Ага ылайык, бул чара террористтик ишти каржылоого жана кылмыштуу кирешелерди легалдаштырууга каршы багытталган.

Улуттук банктын токтомундагы негизги талаптар:

100 000 сомдон 1 млн сомго чейинки операцияларда кардардын өздүгүн аныктаган документтер (паспорт, аскердик билет, айдоочулук күбөлүк же чет өлкөлүктөр үчүн жашап туруу уруксаты) талап кылынат. 

·       100 миң сомдон жогору операциялар сөзсүз катталат

·       Айрым категориядагы кардарлардан (таанымал кыргыз жарандары, белгилүү чет өлкөлүктөр жана башкалар) каражаттын кайдан келип чыкканын тастыкташы керек

·       Акча алмаштыруу жайларынын кызматкерлери кардарды Кыргызстандын жана БУУнун Коопсуздук кеңешинин санкциялык тизмесине кирген-кирбегенин текшерүүгө милдеттүү

·       Тобокелдүү делген операцияларга кошумча документтер суралып, аны жүргүзүүгө акча алмаштыруу жайынын жетекчиси уруксат бериши зарыл

·       Эгерде нак чет өлкө валютасында ишке ашырылган операцияларда шектүү операциялар (бүтүмдөр) белгилери камтылган болсо банк, МФК, МКК, КС, адистештирилген финансы мекемелери жана алмашуу бюролорунда ишке ашырылган операциялар суммасына карабастан, шектүү операция экендиги таанылгандан кийинки 5 (беш) саат ичинде ал тууралуу финансылык чалгындоо органына билдирүүгө милдеттүү.

 Суммасы 100 000 сомго чейинки чет өлкө валютасын сатып алуу жана сатуу операцияларын жүргүзүүдө кардардын резиденттиги анын оозеки билдирүүсү боюнча аныкталышы мүмкүн.

 Токтом 14-январдан тарта күчүнө кирет.