2025-жылдын ноябрында Кыргызстанга кирген акча которуулар октябрга салыштырмалуу төмөндөгөн
КРнын Улуттук банкынын акыркы статистикалык маалыматына таянсак, 2025-жылдын ноябрь айында Кыргызстанга кирген акча которуулардын жалпы көлөмү 264,8 млн $ түзгөн.
Билдирүүгө караганда, ноябрда агып кирген акча которуулардын жалпы көлөмү 264,8 млн $ түзсө, октябрь айында бул көрсөткүч - 340,5 млн $ болгон. Негизги агым КМШ өлкөлөрүнө туура келип, басымдуу бөлүгүн Россия Федерациясынан которушкан.
Ал эми Кыргызстандан агып чыккан акча которуулардын көлөмү ноябрь айынын аягына карата 19,8 млн $ түзсө, октябрь айында анын көлөмү 32,5 млн $ барабар болгон.
Бул акча которуулар жеке адамдар тарабынан акча которуу системалары, мобилдик банкинг тиркемелери жана электрондук капчыктар аркылуу жүргүзүлгөн эл аралык акча которуулар болуп саналат.
