КРУБ: Мөөнөтүндө төлөнбөгөн кредиттин көлөмү 2025-жылдын башынан декабрь айына чейин 29,4 % көбөйдү
Банк секторунун кардарларынын кредит портфелинин көлөмү 2025-жылдын башынан бери 43,6 % өсүү менен 489,3 млрд сомду түзгөн. Бул тууралуу КРнын Улуттук банкы 2025-жылдын 30-ноябрына карата банк секторунун өнүгүү тенденциялары тууралуу статистикалык маалыматында билдирди.
Бул убакытта Кыргыз Республикасынын аймагында 21 коммерциялык банк жана коммерциялык банктардын 306 филиалы иштеп турган болчу. Маалыматка караганда, бул коммерциялык банктардын кредиттик портфели кийинки тармактар боюнча төмөнкүдөй болуп аныкталган:
|
өнөр жайына |
10,2 млрд ⃀ |
27,3 % ⬇ |
|
айыл чарбасына |
54,5 млрд ⃀ |
15,0 % ⬆ |
|
соода чөйрөсүнө |
112,5 млрд ⃀ |
25,1 % ⬆ |
|
курулушка |
18,1 млрд ⃀ |
33,0 % ⬆ |
|
ипотекага |
54,2 млрд ⃀ |
38,4 % ⬆ |
|
керектөө
үчүн |
172,5 млрд ⃀ |
73,9 % ⬆ |
|
жана
башкалар |
67,3 млрд ⃀ |
80,0 % ⬆ |
Ал эми ислам принциптери боюнча каржылоо көлөмү жыл башынан бери 100,8 % өсүү менен 18,1 млрд сомду түзгөн. Анын ичинде тармактар боюнча:
|
өнөр жайды каржылоо |
0,4 млрд ⃀ |
22,1% ⬆ |
|
айыл чарбаны каржылоо |
2,2 млрд ⃀ |
61,9 % ⬆ |
|
сооданы каржылоо |
1,3 млрд ⃀ |
28,9 % ⬆ |
|
курулушту каржылоо |
0,9 млрд ⃀ |
67,3 % ⬆ |
|
ипотеканы каржылоо |
7,1 млрд ⃀ |
120,4 % ⬆ |
|
керектөөнү каржылоо |
4,3 млрд ⃀ |
166,7 % ⬆ |
|
башка максаттар |
2,0 млрд ⃀ |
98,2 % ⬆ |
Мөөнөтүндө төлөнбөгөн кредиттердин көлөмү болсо жыл башынан бери 1,9 млрд сомго же 29,4 % көбөйүү менен 8,3 млрд сомду же банк системасынын кредит портфелинин 1,7 % түздү.
Ислам принциптери боюнча берилген мөөнөтүндө төлөнбөгөн каржылоонун көлөмү 0,3 млрд сомду же банк тутумун каржылоонун жалпы көлөмүнүн 1,7 % түзүп, жыл башынан бери 0,1 млрд сомго же 17,5 % азайган.
