УБ банктардын акча алмаштыруучу жайлар менен валюталык операцияларды жүргүзүү уруксатын узартты
Улуттук банк коммерциялык банктарга алмашуу бюролору менен валюталык операцияларды жүргүзүүгө берилген уруксатты 2026-жылдын 1-августуна чейин узартты. Тиешелүү өзгөртүүлөр жөнгө салуучунун башкармалыгы тарабынан 2026-жылдын 30-январындагы токтом менен киргизилди.
Бул мөөнөт төртүнчү жолу узартылууда. Буга чейин уруксат алгач 2024-жылдын 1-августуна чейин, андан кийин 2025-жылдын 1-августуна чейин узартылган.
Аталган токтом менен Улуттук банктын башкармалыгынын
2022-жылдын 22-июлунда кабыл алынган "Чет өлкө валютасы менен алмашуу операцияларын жүргүзүү чөйрөсүндөгү убактылуу чечимдер жөнүндө" № 2022-П-33/45-2-(НПА) токтомунун күчү убактылуу токтотулду.
Коммерциялык банктар үчүн:
- алмашуу бюролору менен операцияларды жүргүзүүдө накталай жана накталай эмес чет өлкө валютасын сатып алуу/сатуу суммасын алмашуу бюросунун жүгүртмө каражаттарынын чегинде, бир календардык күн ичинде чектөө;
- Улуттук банкка жума сайын отчет тапшыруу;
- алмашуу бюролору менен жүргүзүлгөн накталай жана накталай эмес чет өлкө валютасын сатып алуу/сатуу операциялары боюнча маалыматты ар бир айдын акыркы жумуш күнүнө карата Улуттук банкка отчеттук айдан кийинки жумуш күнүнүн саат 16:00үнө чейин берүү.
Алмашуу бюролору үчүн:
- коммерциялык банктар менен накталай чет өлкө валютасын сатып алуу/сатуу операцияларын бир календардык күн ичинде жүгүртмө каражаттарынын жалпы көлөмүнөн ашкан өлчөмдө жүргүзүүгө тыюу салуу;
- коммерциялык банктар менен накталай жана накталай эмес чет өлкө валютасын сатып алуу/сатуу операцияларын жүргүзүүдө алмашуу бюросунун жетекчисинин колу коюлган жазуу жүзүндөгү маалыматты, мурунку күндүн аягына жана/же учурдагы күндүн башына карата жүгүртмө каражаттарынын өлчөмүн тастыктаган маалыматты, контрольно-кассалык машинанын (ККМ) чеги менен кошо берүү.
