Улуттук банк кезектеги алдамчылык схемасы тууралуу эскертет
Белгисиз адамдар өздөрүн Улуттук банктын кызматкери катары тааныштырып, мессенджерлер аркылуу жарандарга алардын атына акча которулгандыгы, бирок ал акча каражаттарды алуу үчүн комиссиялык төлөм төлөө зарылдыгы жөнүндө билдирүүлөрдү жөнөтүп жатышат.
Улуттук банктын билдирүүсүнө караганда, бул алдамчылыктын схемасы болуп саналат. Ошондуктан мындай билдирүүлөргө жана чалууларга ишенбей, бейтааныш адамдарга акча которуу операцияларын жүргүзбөш керек. Эгерде күмөн саноо болсо, расмий булактардагы маалыматтарды кайрадан текшерүү сунушталат.
Белгилей кетсек, Улуттук банк жарандарга телефон чалбайт, кызматкерлердин күбөлүгүн жана башка расмий документтерди мессенджерлер аркылуу жарандарга жөнөтпөйт, акча которууну суранбайт, ошондой эле жеке адамдарды тейлебейт, эсеп ачпайт жана калкка насыя бербейт.
