Бишкекте микрофинансы секторунун өнүгүүсүнө арналган тегерек стол өттү

Бишкек шаарында «Микрофинансы уюмдарынын ассоциациясы» юридикалык жактар бирикмеси тарабынан уюштурулган тегерек стол болуп өттү. Ага КРнын Улуттук банкынын өкүлдөрү, микрофинансы уюмдары жана тармактык ассоциациялар катышып, сектордун учурдагы абалы жана келечектеги өнүгүү багыттары тууралуу талкуулашты. Бул тууралуу Улуттук банктан маалымдашты.

Билдирүугө караганда, жыйындын жүрүшүндө микрофинансы секторундагы актуалдуу маселелерге өзгөчө көңүл бурулуп, рынокту өнүктүрүү, кызматтарды санариптештирүү, керектөөчү насыялар боюнча мыйзамдардын аткарылышы, насыялык маалымат алмашуу жана микрофинансылык уюмдардын ишин жөнгө салууну өркүндөтүү маселелери ортого салынды.

Катышуучулар мындай жолугушуулар жөнгө салуучу орган менен микрофинансы уюмдарынын ортосунда ачык диалог түзүүгө өбөлгө болорун белгилешти.