“Кызмат” мамлекеттик мекемесине жаңы жетекчи дайындалды
Президенттин иш башкармасына караштуу “Кызмат” мамлекеттик мекемесинин жетекчиси Азамат Жапаров иштен кетип, анын ордуна Нургазы Атканов жетекчи болуп дайындалды. Бул тууралуу мекеменин басма сөз кызматынан кабарлашты.
Аталган мекеменин маалыматына ылайык, буга чейин мекемени жетектеп келген Азамат Жапаров башка кызматка дайындалганына байланыштуу директорлук кызматынан бошотулду жана “Кызмат” мамлекеттик мекемесинин директору болуп - Азамат Жапаров дайындалды.
Азамат Жапаров Исхак Раззаков атындагы КМТУну жана Касым Тыныстанов атындагы Ысык-Көл мамлекеттик университетин аяктаган. Ал 2021-жылдын мартында "Инфоком" мекемесинин директорунун административдик маселелер боюнча орун басары болуп дайындалган. 2024-жылы "Кызмат" мекемеси кайрадан түзүлгөндөн кийин директордун биринчи орун басары кызмат ордунда ишин уланткан.
Мекеменин жамааты мурдагы жетекчи Азамат Жапаровго аткарган иши жана мекеменин өнүгүшүнө кошкон салымы үчүн ыраазычылык билдирип, жаңы жетекчи Нургазы Аткановго ийгиликтерди каалап, кабыл алышты.
