Банктар

"Кыргыз-Швейцария банкы" он жылдан бери кыргыз-швейцария алакасына тоскоол болду

Ишкер Media

07 апр. 2026 13:11

Кыргызстан менен Швейцария өлкөлөрүнүн алакасын динамикалык өнүгүп жаткан мамилелер, деп айта албайбыз. Ал тургай минуска кеткенбиз, десек жаңылышпайбыз. Мындай пикирин, бүгүн ЖКтин Эл аралык иштер, коргоо, коопсуздук жана миграция боюнча комитетинин отурумунда, КРдагы Швейцария Конфедерациясындагы элчилигинин 2022-2025-жылдардагы ишмердүүлүгү тууралуу, баяндап жатып КРнын Швейцария Конфедерациясындагы атайын жана ыйгарым укуктуу элчиси Амар Султанов билдирди.

Анын айтымында, 2022-2025-жылдардар ичиндеги алакалар көңул жылытаарлык болгон эмес.

“Бир эле мисал Кыргызпатенттин ошол кездеги жетекчиси Рахат Керимбаева 2023-жылы өзүнүн Швейцариядагы кесиптеши менен жолугушуу сурады, бирок кат түрүндө Швейцария тарап жолугушуудан расмий баш тартты. Себебин Кыргыз-Швейцар банкынын “Швейцар” деген сөзүн алып салынышы керектиги менен түшүндүрүшкөн. Ушул сөз алынып салынмайынча Швейцариянын мамлекеттик органдары Кыргызстандын мамлекеттик органдары менен жоулугушууларга бара албайт деп билдиришкен. Көрсө бул окуя 2013-жылы банк түзүлгөндөн бери эле уланып келе жатыптыр“- дейт Амар Султанов.

Элчинин мында жообуна депутат Жылдыз Садырбаева нааразы болуп, эмне үчүн 10 жылдан бери Кыргыз-швейцария деген аталышты кыргызстандык тийиштүү органдар өзгөртүп койбой жүрүшкөндүгү, Швейцария сыяктуу үлгүлүү өлкө менен алакага кедергисин тийгизген 1 сөздү айтып, сынга алды.

Өз кезегинде элчи Кыргызпатент менен Улуттук банк бул көйгөйдү “проблема катары санабайт” деп билдирди. Айтымында элчиликтин өкүлдөр 10 ирет аталган банктын өкүлдөрү менен сүйлөшкөн, бирок майнап чыккан эмес.

Анткени менен элчинин эки өлкөнүн ортосунда алака жакшы эмес, деген пикирине ТИМ министринин орун басары Кайрат Турсункулов кошулган жок. Анын айтымында 2 тараптуу кызматташтык токтоп калган жок.

“Соода алакалар жүрүп жатат. Болгону карым катнашты жогорулата албай жатабыз. Акыркы жылдары гана интелектуалдык менчиктин алкагында маселе болгон, азыр мындай маселе жок”- деп белгиледи министрдин орун басары.

Ушундан улам, ЖКтин депутаттары мындан кийин өлкөлөр ортосундагы байланышка кайсыл бир банктын “диктовать” эткени болбошуна көңүл бурууну сунушташты.

💡

"КСБ Коммерциялык Банкы" ЖАК - 2013-жылы өзүнүн тарыхын швейцариялык инвестор-"Петрам Финанс" компаниясы менен баштап, 2014-жылдын 23-январында кайра ЖАК "Кыргыз-Швейцария банкы" болуп катталган. Анын ишмердүүлүгү банкротко учураган ААК “Кыргыздыйканбанкты” калыбына келтирүү максатында башталган. Кийин, 2023-жылы банктын акционерлери тарабынан банктын аталышы "КСБ Коммерциялык банкы" ЖАК деп өзгөртүлгөн.

Мындан тышкары окуңуз

Кылмыштуу ишти каржылоого жана аны адалдоого каршы аракеттенүү маселеси талкууланды

Бүгүн Кылмыштуу ишти каржылоого жана кылмыштуу кирешелерди легалдаштырууга (адалдоого) каршы аракеттенүү маселелери боюнча ведомстволор аралык комиссиясынын 18-жыйыны болуп өтү. Ишчарага Министрлер Кабинетинин Төрагасы Адылбек Касымалиев, Кылмыштуу кирешелерди адалдоого жана терроризмди каржылоого каршы күрөшүү боюнча Евразия тобунун эксперттери, Ведомстволор аралык комиссиянын мүчөлөрү жана мамлекеттик органдардын өкүлдөрү катышты. Адылбек Касымалиев жыйынды

Финансы министрлиги Бакай-атадагы социалдык мекемеге колдоо көрсөттү

Финансы министри Руслан Сүйүналиев Талас облусуна болгон иш сапарынын алкагында Бакай-Ата районундагы улгайган адамдар жана ден соолугунун мүмкүнчүлүктөрү чектелген жарандар жашаган социалдык стационардык мекемеге барып, анда жашаган жарандар менен жолугушуп кайтты. Финансы министрлигинин маалыматына караганда, КРнын Министрлер Кабинетинин тескемесине ылайык, Финансы министрлиги аталган мекемеге камкордук көрсөтүүнү өз милдетине алган.

Бишкекте 6 акча алмашуу бюросунун лицензиясы убактылуу токтотулду

КРнын мыйзамдарын жана Улуттук банктын ченемдик укуктук актыларынын талаптарын бузууга жол бергендиги үчүн Улуттук банк Бишкек шаарындагы 6 алмашуу бюросунун лицензиясынын аракетин убактылуу токтотту. Улуттук банктын маалыматына ылайык, төмөнкү төрт алмашуу бюросунун лицензияларынын аракети 2026-жылдын 12-сентябрынан 26-сентябрын кошо алгандагы мезгил аралыгына токтотулду: * “Милан Обмен” ЖЧК; * “МЭФФ КЭШ”

Кыргызстан менен Кытай техникалык жөнгө салуу жаатында кызматташтыкты өнүктүрөт

Бүгүн Экономика министринин орун басары Искендер Асылкулов Кытайдын Рынокту жөнгө салуу боюнча мамлекеттик башкармалыгынын делегациясы менен жолугушту. Бул тууралуу министрлик билдирди. Жолугушууда техникалык жөнгө салуу, шайкештикти баалоо, сертификаттоо жана аккредитациялоо тармактарындагы эки тараптуу кызматташтыкты өнүктүрүү маселелери талкууланды. Кыргыз тарап өлкөнүн техникалык жөнгө салуу жана улуттук аккредитациялоо системалары тууралуу маалымат берди.