Сокулуктагы инновациялык мектеп жаңыланууда
Чуй облусунун Сокулук райондундагы К.Шопокова атындагы №3 инновациялык жалпы билим берүү мектебинде заманбап билим берүү шарттарын түзүүгө багытталган оңдоп-түзөө иштери кызуу жүрүп жатат.
Билим берүү жана илим министрлигинин маалыматына ылайык, жалпысынан STEM багытындагы химия, физика, биология, математика, география жана информатика боюнча 16 класстык бөлмө, китепкана, спортзал ошондой эле мектептин кире бериштерин оңдоп-түзөө каралган. Мындан тышкары, мектеп имаратынын тышы толугу менен жаңыртылат.
Ал эми оңдоп-түзөө иштери аяктагандан кийин мектеп заманбап эмеректер, видеокөзөмөл системасы жана STEM бөлмөлөрүнөлабораториялык жана маалыматтык-коммуникациялык жабдуулар менен камсыз болот.
Белгилей кетсек, аталган мектеп 12 жылдык билим берүү системасына өтүүнүн алкагында тандалып алынган 53 инновациялык мектептердин бири.
