Мыйзамсыз балык кармагандарга айып пул салынды
Жаратылыш министрлигине караштуу Экологиялык жана техникалык көзөмөл кызматынын тескөөчүлөрү тарабынан жүргүзүлгөн рейддик иш-чаралардын үрүшүндө жаныбарлар дүйнөсүнүн объектилерине, анын ичинде балык жана суу жаныбарларына мыйзамсыз аңчылык кылуу же аларды мыйзамсыз алуу фактысы аныкталды.
Экологиялык жана техникалык көзөмөл кызматынын маалыматына ылайык, аталган факты боюнча 2 административдик протокол түзүлүп, салынган административдик айып пулдардын жалпы суммасы 20 000 сомду түздү.
Мындан тышкары, белгиленген тартипте жаныбарлар дүйнөсүнүн объектилерине келтирилген зыяндын ордун толтуруу боюнча жалпы суммасы 12 120 сом өлчөмүндө доо коюлду.
Учурда суу биологиялык ресурстарын мыйзамсыз алуу фактыларын аныктоо жана бөгөт коюу, балык запастарын жана жаныбарлар дүйнөсүнүн объектилерин коргоо боюнча рейддик иш-чаралар улантылууда.
Экологиялык жана техникалык көзөмөл кызматынын тескөөчүлөрү жаратылышты коргоо мыйзамдарынын талаптарынын сакталышына туруктуу мониторинг жана көзөмөл жүргүзүп жатышат.
