Улуттук банк 2025-жылдын IV чейрегинде финансы уюмдарына карата жүздөгөн чараларды колдонду
Кыргыз Республикасынын Улуттук банкы 2025-жылдын төртүнчү чейрегинде өз көзөмөлүндөгү банк эмес жана адистештирилген финансы-кредит уюмдарына карата бир катар таасир этүү чараларын колдонду.
Аталган мекеменин маалыматка ылайык, текшерүүлөр инспектордук текшерүү жана тышкы көзөмөл аркылуу жүргүзүлгөн. Бул иш-чаралардын негизги максаты – финансы секторунда мыйзам талаптарынын сакталышын камсыз кылуу жана кардарлардын укуктарын коргоо болуп саналат.
Көрсөтүлгөн мөөнөт ичиндеги инспектордук текшерүүлөрдүн жыйынтыгында, Улуттук банк тарабынан - 109 жазма буйрук, 21 уюмдун ишмердүүлүгү убактылуу токтотуулар, 30 айыптык төлөм салуу чаралары көрүлгөн. Буга кошумча, тышкы көзөмөлдүн жыйынтыгында - 137 жазма буйрук, 2 ишмердүүлүктү убактылуу токтотуу, 12 айыптык төлөм колдонулган.
Улуттук банк мындай чаралар финансы уюмдарынын жоопкерчилигин жогорулатууга, мыйзам бузуулардын алдын алууга жана өлкөдөгү финансылык туруктуулукту сактоого багытталганын белгилейт.
Көзөмөл иш-чаралары мындан ары да улантылып, финансы рыногунда тартипти камсыз кылуу багытында туруктуу жүргүзүлө бермекчи.
