Улуттук банк бир микрокредиттик компаниянын лицензиясын кайтарып алды
Улуттук банк ченемдик укуктук актылардын талаптарын бузгандыгы үчүн «Ак-Нур Капитал» МКК ЖЧКнын каттоо күбөлүгүн жана чет өлкө валютасын сатып алуу-сатуу лицензиясын кайтарып алды.
Улуттук банктан билдиргендей, тиешелүү чечим 9-сентябрдан тартып күчүнө кирет. Компаниянын эсептик каттоо күбөлүгү жана лицензиясы кайтарылып алынды.
Ошол эле учурда, Улуттук банктын Көзөмөл боюнча комитетинин чечими менен “БизнесИнвестКредит Девелопмент” МКК ЖЧКнын эсептик каттоодон өткөндүгү тууралуу күбөлүгүнүн аракети 9-сентябрдан тартып кайра калыбына келтирилгендиги маалым болду. Бул чечим комитеттин 2026-жылдын 3-сентябрындагы токтомунун негизинде кабыл алынган.
Кыргыз Республикасынын микрокредиттик компанияларынын 2026-жылдын 5-августуна карата абал боюнча 523 микрокредиттик компаниялар ишмердүүлүгун жүргүзүп жатат.
Микрокредиттик компания – коммерциялык уюмдун ар кандай уюштуруучулук-укуктук тариздеринде түзүлгөн, КРУБдун күбөлүгүн алган жана өз каражаттарынын, болбосо донорлордун, жергиликтүү жана эл аралык каржы уюмдарынын каражаттарынын эсебинен жеке адамдарды жана юридикалык жактарды микрокредиттөөнү ишке ашыруучу адистештирилген кредиттик мекеме.
