Улуттук банк Баткенде финансылык сабаттуулук боюнча лекция өткөрдү
9-сентябрда Улуттук банктын Баткен облусундагы өкүлчүлүгү Лейлек районунун жана Раззаков шаарынын тургундары үчүн "Финансылык сабаттуулук" боюнча көчмө лекция өткөрдү. Бул тууралуу мекеменин басма сөз кызматы билдирди.
Маалымдалгандай, лекциянын жүрүшүндө Улуттук банктын ролу жана функциялары, улуттук валютанын тарыхы, өнүгүү этаптары жана коргоо белгилери тууралуу маалымат берилди. Ошондой эле кредиттер менен депозиттердин түрлөрү, каражат топтоо жолдору жана финансылык алдамчылыктан сактануу маселелери талкууланды.
Мындан тышкары, жаштарды финансылык алдамчылыкка жана дропперликке тартуунун алдын алуу боюнча практикалык сунуштар берилип, "Түндүк" тиркемеси аркылуу кредит алууга өзүнө-өзү тыюу салуу жана аны кайра алып салуу тартиби көрсөтүлдү.
