Улуттук банкта эл аралык резервдерди башкаруу боюнча тегерек стол өттү
Улуттук банктын Ысык-Көл облусунун Бостери айылындагы Окуу-ден соолукту чыңдоо борборунда "Борбордук банктардын эл аралык резервдерди башкаруу процессиндеги фронт-офис, мидл-офис жана бэк-офис практикасы" темасында эл аралык тегерек стол өттү. Бул тууралуу бүгүн мекеменин маалымат кызматынан кабарлашты.
Маалым болгондой, иш-чараны Улуттук банк уюштуруп, модераторлук кылды. Ага Орусия, Өзбекстан жана Тажикстандын борбордук банктарынын өкүлдөрү катышты.
Тегерек столдун жүрүшүндө борбордук банктардын түзүмдүк бөлүмдөрүнүн өз ара аракеттенүүсү, эл аралык резервдерди башкаруудагы ички бизнес-процесстер жана практикалык тажрыйбалар талкууланды. Ошондой эле операциялык ишти автоматташтыруу жана тобокелдиктерди башкаруу системаларын өркүндөтүү маселелерине көңүл бурулду.
