Кыргызстанда жүгүртүүдөгү нак акча 324 млрд сомго жетти
2026-жылдын 1-октябрына карата Кыргызстанда жүгүртүүдөгү накталай акчанын жалпы көлөмү 324 млрд сомду түздү. Анын 30,9 млрд сому коммерциялык банктардын кассаларында сакталса, 293,1 млрд сому банк тутумунан тышкары жүгүртүүдө болгон.
Мындай маалыматты Улуттук банк Кыргызстандагы нак акчанын жүгүртүлүшүнүн 2026-жылдын III - чейрегиндеги абалы тууралуу маалыматында белгилеген. Билдирүүгө караганда, банк тутумунан тышкары жүгүртүүдөгү акчанын көлөмү өткөн жылдын ушул мезгилине салыштырмалуу 29,6 млрд сомго же 11,2 % көбөйгөн.
Ал эми 2026-жылдын июль–сентябрь айларында өлкөдөгү коммерциялык банктардын кассаларына жалпысынан 1 трлн 871,2 млрд сом накталай акча келип түшкөн. Бул 2025-жылдын ушул мезгилине салыштырмалуу 385 млрд сомго же 25,9 %га көп.
Коммерциялык банктардын кассаларына нак акчанын келип түшүүсүнүн өзгөрүүсү:
Ошол эле мезгилде коммерциялык банктардын кассаларынан 1 трлн 883,4 млрд сом накталай акча берилген. Бул 2025-жылдын үчүнчү чейрегине салыштырмалуу 378,5 млрд сомго же 25,2 пайызга көп.
Коммерциялык банктардын кассаларынан нак акчаларды берүүдөгү өзгөрүүлөр:
Үчүнчү чейректе банктардын кассаларына накталай акчанын кайтарымдуулугу 99,4 % түзгөн. Бул көрсөткүч өткөн жылдын ушул мезгилине салыштырмалуу 0,6 % жогорулаган.
