Улуттук банк: 3 алмашуу бюросунун лицензиясы токтотулуп, 1 уюмга айып пул салынды
Улуттук банк мыйзам талаптарын жана ченемдик укуктук актыларды бузгандыгы үчүн үч акча алмаштыруу бюросунун лицензиясын убактылуу токтотуп, беш уюмга жалпысынан 275 миң сом айып пул салды.
Улуттук банктын маалыматына ылайык, төмөнкү алмашуу бюролорунун лицензиялары убактылуу токтотулду:
- BTK Group ЖЧКсы — Бишкек шаары. Лицензиясы 2026-жылдын 10-октябрынан 24-октябрына чейин токтотулган;
- “Ийгилик Али” ЖЧКсы — Бишкек шаары. Лицензиясы 2026-жылдын 27-октябрына чейин токтотулду
- “Азирет Трейд” ЖЧКсы — Чүй облусу. Лицензиясы 2026-жылдын 27-октябрына чейин токтотулду.
Билдирүүгө караганда, мындан тышкары, Бишкекте жайгашкан бир төлөм уюмуна, бир микрокредиттик компанияга жана үч акча алмаштыруу бюросуна ар бирине - 55 миң сомдон айып пул салынган. Анын жалпы суммасы 275 миң сомду түздү.
