Кыргызстан менен Россиянын финансылык кызматташтыгы талкууланды

КРнын Соода-өнөр жай палатасынын Россия Федерациясындагы расмий өкүлү Кубанычбек Осмонбеков "Мульти Трансфер" эл аралык акча которуу системасынын өкүлдөрү менен жолугушту. Бул туурасында Соода-өнөр жай палатасынан кабарлады.

Маалыматка ылайык, тараптар Кыргызстан менен Россиянын ортосунда акча которууларды жеңилдетүү, ишкерлер үчүн эсептешүүлөрдү ыңгайлуу кылуу жана финансылык кызматтарды өнүктүрүү маселелерин талкуулашты.

Ошондой эле Кыргызстандын банктары менен кызматташууну кеңейтүү жана бизнес үчүн жаңы мүмкүнчүлүктөрдү түзүү боюнча сунуштар каралды.

Тараптар практикалык кызматташууну улантууга кызыкдар экенин билдиришти.