Саясат

Фейсбукта саясий жарнамаларга ким эң көп акча жумшайт? РЕЙТИНГ

Назира Абдиева

25 ноя 2021 17:22

Фейсбук социалдык тармагы Кыргызстандагы акыркы 90 күндөгү (21-августтан 18-ноябрга чейин) саясий жарнактарга кеткен чыгым боюнча отчет берип, жарнаманын бул түрүнө акча короткон адамдардын жана баракчалардын толук тизмесин жарыялады. Бул маалымат Facebook жарнамалар бөлүмүндө чагылдырылган.

Биринчи орунда «Жалбырак ТВ – Сентябрь» баракчасы турат, ал саясий жарнакка 256 доллар короткон (азыркы курс менен дээрлик 22 миң сом).

Экинчи орунду «Ишеним саясий партиясы» баракчасы ээледи, анда да каржы булагы туура көрсөтүлүп, жарнамага 154 доллар сарпталган (азыркы курс менен 13 миң сомдон бир аз ашык).

Үчүнчү орунда Ким Ин Сен аттуу колдонуучу (Борбордук бажынын мурдагы жетекчиси, «Ата Мекен» партиясынын мүчөсү) турат. Ал саясий жарнактарга 101 доллар (8.5 миң сом) короткон, каржы булагы катары «Ата Мекен» партиясы көрсөтүлгөн.

Бардык башка баракчалар жана колдонуучулар саясий жарнактарга 100 доллардан аз сарпташкан. Жалпысынан акыркы үч айда (2021-жылдын 21-августунан 18-ноябрына чейин) Кыргызстанда саясий жарнамадан социалдык тармактын кирешеси 28 миң долларга жетти (азыркы курс менен дээрлик 2.4 млн сом).

Белгилей кетсек, дагы 30 колдонуучу саясий жарнактарды каржылоо булагын көрсөткөн эмес.

БШКдан билдиргендей, комиссиянын көзөмөл-текшерүү тобу Facebook жана Instagram тармактарында саясий жарнамаларды жайгаштыруудагы төлөмдөрдү көзөмөлдөйт. Комиссия ошондой эле талапкерлерге жана саясий партияларга саясий жарнактарды жайгаштыруу үчүн төлөм тиешелүү шайлоо фондунун каражаттарынан алынышы керектигин эскертет.

Economist.kg мурдараак маалымдагандай, саясий жарнактын мониторинги жана социалдык тармактардын жарнак китепканасында отчеттордун жарыяланышы Кыргызстандын БШКсы менен Фейсбуктун ортосундагы макулдашуунун негизинде ишке ашырылат. Бул 9-ноябрда БШКнын төрайымы Нуржан Шайлдабекова менен Facebook өкүлдөрүнүн онлайн жолугушуусунда макулдашылган болчу.

Мындан тышкары окуңуз

Бишкектин 7-кичи районунда таза суу берилбейт

Бишкек шаарынын 7-кичи районунда 3-ноябрда саат 10:00дөн 22:00гө чейин таза суу берүү токтотулат. Бул тууралуу мэриядан маалымдады. Билдирүүгө ылайык, бул күнү аймактагы суу түтүгүндө оңдоп-түзөө иштери жүргүзүлөт. Өчүрүү 7-кичи райондун №33, 34, 34/1, 35, 36, 37, 38, 38/1, 39, 40, 41, 43,

Талас жана Баткенде финансылык сабаттуулук боюнча лекциялар өттү

Талас жана Баткен облустарында Дүйнөлүк каражат топтоо күнүнө карата мектеп окуучулары жана студенттер үчүн финансылык сабаттуулук боюнча лекциялар өткөрүлдү. Бул тууралуу Улуттук банктан билдиришти. Маалыматка ылайык, 27–30-октябрь күндөрү Улуттук банктын Талас облустук башкармалыгынын өкүлдөрү Талас, Бакай-Ата, Айтматов жана Манас райондорундагы төрт мектептин жогорку класстарынын окуучуларына лекция өтүштү.

Кыргызстанда баалуу кагаздар рыногун жөнгө салуунун жаңы эрежелери бекитилди

Министрлер кабинети баалуу кагаздар рыногунун ишин жөнгө салууга багытталган жаңы жоболорду бекитти. Тиешелүү №732 токтом 2026-жылдын 29-октябрында кабыл алынды. Бул тууралуу Финкөзөмөлдөн билдиришти. Документке ылайык, Улуттук депозитарийдин ишинин өзгөчөлүктөрү жөнүндө жобо жана Баалуу кагаздардын бирдиктүү мамлекеттик реестрин жүргүзүү, ошондой эле баалуу кагаздардын чыгарылышына мамлекеттик каттоо номерин берүү тартиби

Германия менен Улуу Британия Борбор Азиядагы климаттык долбоорго каражат бөлөт

Жаратылыш ресурстары министри Акыл Токтобаев Германиянын Эл аралык кызматташтык коомунун (GIZ) Кыргызстандагы жана Тажикстандагы өкүлчүлүгүнүн жетекчиси Виктор Вецель менен жолугушту. Бул тууралуу министрликтин басма сөз кызматы кабарлады. Маалымдалгандай, жолугушууда айлана-чөйрөнү коргоо, туруктуу өнүгүү жана климаттын өзгөрүшүнө каршы күрөшүү боюнча кызматташтык маселелери талкууланды. Жыйынтыгында тараптар "Борбордук Азияда климаттык тобокелдиктерди