Миң-Булак айыл аймагынын башчысы пара менен кармалды
Нарын районунун Миң-Булак айыл аймагынын башчысы Талгарбек Тюлебердиев пара менен кармалды. Бул тууралуу УКМК билдирди.
Тергөөчүлөрдүн маалыматына ылайык, Тюлебердиев «Лабиринт» ЖЧКсынын башкы директору А.А.дан Нарын районунун Куйбышев айылындагы бала бакчанын тегерегине брусчатка төшөө боюнча келишим түзүү маселесин оң жагына чечүү үчүн 20 миң сом өлчөмүндө акча талап кылуу фактысы аныкталган.
«Ишкананын башкы директору А.А. алдын ала мурда мобилдик тиркеме боюнча жергиликтүү өз алдынча башкаруунун башчысынын талабы менен Т.Т.Т.га 8 миң сом суммасында акча каражат которулган», - деп мекеме белгиледи.
2023-жылдын 25-майында айыл аймагынын башчысы пара алуу учурунда – калган 12 миң сом өлчөмүндө акча каражатын алып жаткан жеринен кармалды.
Учурда Талгарбек Тюлебердиевдин башка кылмыштарга катыштыгы бар экендигин аныктоо боюнча тиешелүү тергөө-ыкчам иш-чаралары жүргүзүлүүдө.
