Өлкөдө жыл башынан бери 93 мыйзамсыз таштанды жайы жабылды
2026-жылдын башынан бери Кыргызстанда 93 мыйзамсыз таштанды жайы жоюлду. Учурда республика боюнча 230 таштанды жайы иштеп жатат. Бул тууралуу Жаратылыш ресуртары министрлиги билдирди.
Маалыматка караганда, эң көп жоюу Ысык-Көл облусунда катталды – мурдагы 51 жайдын 35и жабылып, 16 гана калды.
Талас облусунда 31 жайдын бирөө жоюлуп, 30 жай калды. Бирок Бакай-Ата районунда жаңы полигон курулуп жатат. Ал ишке кирсе, Бакай-Ата жана Талас райондорундагы таштанды жайлар дагы 9га кыскарат.
Чүй, Жалал-Абад, Баткен, Ош жана Нарын облустарында да санитардык абалды жакшыртуу иштери жүрүүдө.
Жаратылыш ресурстары министрлиги бул иштер экологиялык абалды жакшыртууга жана айлана-чөйрөнүн булганышын алдын алууга багытталганын билдирди.
