Касымалиев гипсокартон импортуна 6 айлык тыюу салды
Кыргызстанга гипстен жасалган плита, такта жана панелдерди алып келүүгө убактылуу тыюу салынды. Тиешелүү токтомго Министрлер кабинетинин төрагасы Адылбек Касымалиев кол койду. Бул тууралуу мекеменин маалымат кызматы кабарлады.
Документке ылайык, ЕАЭБ ТН ВЭД 6809 11 000 0 кодундагы - кагаз же картон менен гана капталган гипсокартон буюмдарын ташып келүүгө токтом күчүнө киргенден 3 күн өткөндөн кийин 6 айлык тыюу кирет.
Тыюу төмөнкүлөргө жайылтылбайт:
• транзит менен ташылган товарларга;
• ЕАЭБге мүчө мамлекеттерден келген товарларга;
• инвестициялык макулдашуулар алкагында ташылган товарларга.
Бажы жана Чек ара кызматтарына мыйзамсыз ташып келүүнүн алдын алуу тапшырылды.
