Президент Садыр Жапаров, 8-июнда, Казакстанда болгон иш сапарынын алкагында Эл аралык Астана форумуна катышуу үчүн «Астана» Конгресс-борборуна келди. Бул тууралуу президенттин маалымат кызматы кабарлады.

Иш-чара саламдашуу аземи жана форумга Казакстандын президенти Касым-Жомарт Токаев менен келген өлкө лидерлерин жана делегация башчыларын биргелешип сүрөткө түшүрүү менен башталды.

Форум тышкы саясат жана эл аралык коопсуздук, эл аралык өнүгүү жана туруктуулук, энергетика жана климаттын өзгөрүүсү маселелерине арналган.