Палестина Кыргызстанда өз элчилигин ачууга даяр
Палестина Кыргызстанда өз элчилигин ачууга даяр. Бул тууралуу Палестинанын президенти Махмуд Аббас президент Садыр Жапаров менен жолугуусунда айтты.
Мамлекет башчысынын маалымат кызматы тактагандай, Махмуд Аббас Палестинанын эл аралык кызматташуу агенттигин кыргыз тарап менен байланыш түзүүгө багыттоого даярдыгын кошумчалады.
Президенттер Кыргыз-Палестина эки тараптуу кызматташтыгынын актуалдуу маселелери жана биргелешкен өз ара аракеттенүүнү өнүктүрүүнүн келечеги талкуулашты.
Палестинанын Президенти да өз тарабынан Кыргызстан менен Палестинанын дос элдеринин жыргалчылыгы үчүн эки тараптуу кызматташтыктын жана өз ара аракеттенүүнүн бардык комплексин улантууга жана жаңы деңгээлге чыгарууга даяр экендигин билдирди.
Өлкө лидерлери мамлекеттер ортосундагы эки тараптуу жана көп тараптуу кызматташтыктын бардык аспектилерин талкуулоо үчүн диалогду улантууну макулдашты.
