Бишкекте кайрадан Башкы планды иштеп чыгуу маселеси көтөрүлдү
Бишкектин Башкы планын иштеп чыгуучулардын авторлорун калыптандырууну жана конкреттүү мөөнөттөрүн жана ишке ашыруунун этаптарын көрсөтүү тапшырылды. Бул маселени мэриянын жыйынында мэр Эмилбек Абдыкадыров көтөрдү.
Ал ошондой эле «Бишкекбашкыплан долбоорлоо институту» муниципалдык ишканасына керектүү базаны түзүү зарылдыгына токтолду.
Такталгандай, борбор калаада Бишкек шаарынын 2050-жылга чейинки Башкы планын иштеп чыгуу жана Ала-Арча жана Аламүдүн дарыяларынын жээктерин жакшыртуу боюнча шаар мэри Эмилбек Абдыкадыровдун орун басарлары жана шаардык кызматтардын жооптуу жетекчилери менен жолугушуусу өттү.
Мэр стратегиялык документти иштеп чыгууда инженердик коммуникацияларды жайгаштыруу, экологиялык аспектилерди эске алуу, өндүрүштүк жана коомдук аймактардын жайгашуусун кайра карап чыгуу, жашылдандыруунун балансын сактоо менен системалуу мамиле жасоо керектигин белгиледи.
Аламүдүн жана Ала-Арча дарыяларынын жээгинде эс алуу жайларын түзүү үчүн борбор калаанын мэри алдын ала долбоорду макулдашып, узундугу 1 чакырымды түзгөн аянтты көрктөндүрүүнү баштоону тапшырды.
