Элдана Сатарова Мамлекеттик мүлктү башкаруу агенттигинин директорунун жаңы орун басары болуп дайындалды. Бул тууралуу мекеменин басма сөз кызматы билдирди.

Такталгандай, Элдана Сатарова министрлер кабинетинин башчысы Акылбек Жапаровдун буйругу менен 22-июнда дайындалган.

Сатарова 2008-2012-жылдары Мамлекеттик мүлктү башкаруу комитетинин тармактык саясатты өнүктүрүү бөлүмүнүн жетектөөчү, андан кийин башкы адиси кызматын ээлеген. Андан соң 2023-жылга чейин Экономика министрлигинин алдындагы мамлекеттик мүлктү башкаруу саясаты бөлүмүн жетектеген.