Кыргызстанда Эмгек кодексинин жаңы редакциясы иштелип жатат
Кыргызстанда Эмгек кодексинин жаңы редакциясы иштелип жатат. Бул тууралуу Эмгек, социалдык камсыздоо жана миграция министрлиги билдирди.
Министр Кудайберген Базарбаевдин айтымында, мекеменин ишмердигинде эмгек жана иш менен камсыз кылуу маселелери негиз болуп саналат.
«Документ тараптардын эмгек мамилелеринин кызыкчылыктарынын тең салмактуулугуна, экономикалык өсүшкө, өндүрүштүн натыйжалуулугун жогорулатууга жана адамдардын бакубаттуулукка жетишүү үчүн зарыл болгон укуктук шарттарды түзүүгө мүмкүндүк берет. КРда калкты иш менен камсыз кылуу жана ишке орноштуруу жаатында бир топ иштер аткарылып жатат. Өлкөдө ар кандай активдүү иш-чаралардын аркасында өткөн жылдын биринчи жарым жылдыгына салыштырмалуу жумушсуздардын саны 5%га кыскарды, жумуш менен камсыз болгон жарандардын саны 10%дан ашык өстү», – деди министр.
