Кыргызстан менен Монголия соода-экономикалык кызматташтыкты талкуулашты
9-октябрда экономика жана коммерция министринин орун басары Султан Ахматов Монголиянын Кыргызстандагы Элчиси Дэмчигийн Тэгшжаргал менен жолугушту. Бул тууралуу министрликтин басма сөз кызматы кабарлады.
Маалыматка ылайык, жолугушууда эки тараптуу соода-экономикалык кызматташтык, өз ара соода жүгүртүүнү көбөйтүү, өнөр жай кооперациясын өнүктүрүү жана биргелешкен долбоорлор талкууланды.
Ошондой эле ишкерлер ортосундагы байланышты чыңдоо, бизнес-форумдарды жана көргөзмөлөрдү уюштуруу, өз ара аракеттенүүнүн жаңы механизмдерине өзгөчө көңүл бурулду.
Жыйынтыгында тараптар кыргыз-монгол кызматташтыгын кеңейтүүгө жана макулдашууларды ишке ашыруу боюнча биргелешкен иштерди улантууга даяр экенин билдиришти.
