Акылбек Жапаров жумуш сапары менен Абу-Дабиге келди
![Акылбек Жапаров жумуш сапары менен Абу-Дабиге келди](/content/images/size/w1200/2023/10/652bcf0a1840b-1.jpeg)
Министрлер кабинетинин төрагасы Акылбек Жапаров жумуш сапары менен Абу-Дабиге (Бириккен Араб Эмираттары) келди. Бул тууралуу өкмөт билдирди.
Жумуш сапарынын алкагында Жапаров Соода жана өнүктүрүү боюнча Бириккен Улуттар Уюмунун конференциясы (ЮНКТАД) тарабынан уюштурулган Дүйнөлүк инвестициялык форумдун 8-сессиясына катышат.
Акылбек Жапаров ошондой эле БАЭ жогорку даражалуу кызмат адамдары менен бир катар эки тараптуу жолугушууларды өткөрөт, Абу-Дабидеги мамлекеттик корпорациялардын жана алдыңкы компаниялардын жетекчилери менен сүйлөшүүлөрдү жүргүзүп, анда эки тараптуу кызматташтыкты мындан ары арттыруу маселелери талкууланат.