Кыргыз-тажик чек арасынын 17.98 чакырымы макулдашылды
2023-жылдын 1-8-ноябрына чейин кыргыз-тажик мамлекеттик чек арасын делимитациялоо жана демаркациялоо боюнча Кыргызстан жана Тажикстандын өкмөттүк делегацияларынын топографиялык жумушчу топторунун кезектеги жолугушуусу Тажикстандын Согди облусунун Бустон шаарында болуп өттү. Бул тууралуу минкаб кабарлады.
Такталгандай, топографиялык жумушчу топтор кыргыз-тажик мамлекеттик чек арасынын 17.98 чакырымы боюнча макулдашты.
Тараптар Кыргызстандын аймагында өтө турган кийинки жолугушууда калган тилкелер боюнча тиешелүү ишти улантат.
Жолугушуунун жыйынтыгы боюнча тиешелүү протоколго кол коюлду.
