Акылбек Жапаров Digital Almaty 2024: Industry X форумуна катышат
2024-жылдын 1-2-февралында Алматыга министрлер кабинетинин төрагасы Акылбек Жапаровдун жумушчу сапары болот. Бул тууралуу минкаб билдирди.
Сапардын алкагында минкаб башчысы Евразиялык өкмөттөр аралык кеңештин жыйынына жана Digital Almaty 2024: Industry X эл аралык санарип форумуна катышат.
ЕӨАКтин жыйынынын жүрүшүндө ЕАЭБге катышуучу тараптардын өкмөт башчылары соода-экономикалык кызматташуунун, ошондой эле техникалык жөнгө салуу, Биримдиктин интеграцияланган маалымат тутуму жана башка актуалдуу маселелердин кеңири чөйрөсүн карашат.
Акылбек Жапаров ЕАЭБ өлкөлөрүнүн өкмөт башчылары менен бирге жыл сайын өтүүчү Digital Almaty санарип форумунун пленардык жыйынына катышат.
Форумга белгилүү эл аралык жана коомдук ишмерлер, ири IT-компаниялардын жетекчилери жана бизнес өкүлдөрү катышаары күтүлүүдө.
Мындан тышкары, визиттин алкагында делегация башчыларынын, анын ичинде КРнын, Россиянын өкмөтүнүн Төрагасы Михаил Мишустин жана Казакстандын премьер-министринин Алихан Смаилов ортосунда бир катар эки тараптуу жолугушуулар өткөрүлөт.
Жолугушуулардын жүрүшүндө тараптар көп кырдуу кызматташуунун актуалдуу маселелерин талкуулашат жана бир катар маанилүү багыттар боюнча макулдашууларды ишке ашыруу боюнча мөөнөттөрүнө көз салышат.
