Кыргызстанда сасык тумоого каршы эмдөө башталды
Кыргызстанга сасык тумоого каршы вакциналар алынып келинип, аймактарга таратылып берилди. Бишкектеги үй-бүлөлүк мединалык борборлордо эмдөө башталды. Бул тууралуу Санэпидкөзөмөл департаменти башкармалыгынын жетекчиси Динара Оторбаева "Биринчи радиодон" чыгып сүйлөгөндө билдирди.
Динара Отунбаеванын сөзүнө караганда биринчи кезекте ооруну жуктуруп алуу коркунучу жогоркулар бекер эмделет. Алар:
- Өнөкөт оорусу бар жарандар
- Кош бойлуу аялдар
- Көп ооручу кичинекей балдар
- Медицина кызматкерлери
- 65 жаштан жогорку адамдар
Оторбаева эмдөө оорунун оор өтүшү жана кабылдап кетиши кооптулуугун төмөндөтүүгө багытталганын түшүндүрдү. "Бул деген адам такыр оорубайт дегендик эмес, бирок оору жеңил өтүшү мүмкүн", -деди ал.
Башка каалоочулар эмдөө жүргүзүүго уруксат берилген жеке клиникалардан төлөө жолдору менен эмдөө ала алышат.
