Бийлик

Эльвира Сурабалдиева Бишкектин тургундары менен жолукту

Чынгыз Керимбеков

26 мар. 2024 12:10

Жогорку Кеңештин депутаты Эльвира Сурабалдиева Бишкек шаарынын Биринчи май районундагы М.Ганди, М.Рыскулов, Ю.Фучик, Васильев тракты, Д.Асанов, Республикалык, Жумабек, Завод, Чимкент, Харьков көчөлөрүнүн жашоочулары менен жолугушту. Бул тууралуу парламент билдирди.

Жолугушууга борбор калаанын мэри Айбек Жунушалиев баштаган Бишкек мэриясынын түзүмдүк бөлүмдөрүнүн өкүлдөрү да катышты.

Депутат Эльвира Сурабалдиева бул жолугушууда шаар тургундары өз суроолорун Бишкек мэриясынын өкүлдөрүнө берип, жеринде жооп алуу мүмкүнчүлүгүнө ээ экенин белгиледи.

Борбор калаанын тургундары бир катар социалдык-экономикалык көйгөйлөргө көңүл бурушту. Тактап айтканда, Д.Асанов, Харьков, Завод, Чимкент көчөлөрүн оңдоо жана асфальттоо боюнча суроолорду узатышып, жолдорду оңдоодо тротуарларды да эске алуу керектигин кошумчалашты.

Муну менен катар жергиликтүүлөр Республикалык жана Жеңиш көчөлөрүнүн кесилишиндеги паркты сактап калуу маселесин ортого салышып, бул объекттин айланасындагы 16 жылдан бери уланып келе жаткан талаш-тартыштарга токтолушту. Алардын айтымында, парктын бир бөлүгү үч жаранга, экинчи бөлүгү алты жаранга бөлүнүп, «кызыл китептер» да берилген. Депутат Эльвира Сурабалдиева, Бишкек шаарынын мэри Айбек Жунушалиев паркты максаттуу пайдалануу зарылдыгын белгилешти. Мэр маалымдагандай, бул маселе боюнча тиешелүү иштер жүрүүдө.

Андан тышкары, жергиликтүү тургундар районду толук газдаштыруу, Завод көчөсүнүн жашоочуларына «жер мунапысынын» алкагында «кызыл китептерди» берүү, №41 мектептин жанына тротуар куруу жана №26 автобустун каттамын узартуу боюнча көптөгөн көйгөйлөрдү көтөрүштү.

Депутат Эльвира Сурабалдиева бардык маселелерди өз көзөмөлүнө алып, Бишкек мэриясы жана тиешелүү мамлекеттик органдар менен биргеликте иш жүргүзөрүн белгиледи.

Жолугушуунун соңунда депутат Эльвира Сурабалдиева Биринчи май районунун тургундарынын жеке суроолорун да укту.

Мындан тышкары окуңуз

"Манас" эл аралык аэропортунда 5 кабаттуу унаа токтотуучу жай курулуп жатат

"Манас" эл аралык аэропортунда көп деңгээлдүү унаа токтотуучу жайдын курулушу уланып жатканын "Кыргызстан аэропорттору" ААК башкармалыгынын башчысы Манасбек Самидинов социалдык тармактагы баракчасына жазды. Анын айтымында, бул аэропортту реконструкциялоо боюнча жалпы стратегиянын маанилүү бөлүгү болуп саналат. "Биз жүргүнчүлөр үчүн заманбап жана ыңгайлуу инфраструктура түзүп жатабыз. Унаа

Бишкекте 8 автобус каттамынын кыймыл - чиймеси убактылуу өзгөртүлдү

Бишкек шаарында Дэн Сяопин проспектисинин түштүк тарабы оңдоо иштерине байланыштуу жабылгандыктан, 8 автобус каттамынын кыймыл чиймеси убактылуу өзгөртүлдү. Бул тууралуу муниципалитеттен билдиришти. Тактап айтканда, №17, №32, №42, №145, №212, №215, №254 жана №14т каттамдары убактылуу Профсоюз көчөсү аркылуу жүрүшөт. Эске салсак, Дэн Сяопин проспектисинин Интергельпо көчөсү менен Кайназарова көчөсүнүн ортосундагы

Бишкекте бийик имараттарды курууда жаңы технологиялар колдонулууда

Жер титирөөгө туруктуу курулуш жана инженердик долбоорлоо мамлекеттик институтунун директору Канат Канболотов адистер менен бирге Бишкектеги көп кабаттуу курулуш объектилеринде колдонулуп жаткан технологиялар менен таанышты. Бул тууралуу Курулуш министрлигинен билдиришти. Алар курулуштун жүрүшүн, инженердик чечимдерди жана техникалык коопсуздук чараларын карашты. Бийик имараттарда вертикалдык көтөрүүчү элементтер үчүн болот-темирбетон (курамдуу) конструкцияларын колдонуу

Электр энергиясынын жоготуулары 5-10%га төмөндөдү

Жогорку Кеңештин финансы, бюджет, ишкердик жана атаандаштыкты өнүктүрүү боюнча комитетинин жыйынында депутат Дастан Бекешев Кыргызстандын Борбор Азиянын энергошакекчесине катышуусу тууралуу маселени көтөрдү. Ал буга чейин өлкөнүн энергошакекчеден чыгуу мүмкүнчүлүгү талкууланганын эске салды. Энергетика министринин орун басары Насипбек Керимов маалымдагандай, энергошакекче ишин улантууда жана учурда андан чыгуу маселеси карала элек. "