Кыргыз-тажик мамлекеттик чек арасынын 28.37 чакырымы макулдашылды
![Кыргыз-тажик мамлекеттик чек арасынын 28.37 чакырымы макулдашылды](/content/images/size/w1200/2024/04/66079ac5cef99.jpeg)
2024-жылдын 24-мартынан 29-мартына чейин Баткенде Кыргызстан менен Тажикстандын кыргыз-тажик мамлекеттик чек арасын делимитациялоо жана демаркациялоо боюнча өкмөттүк делегацияларынын укуктук маселелер жана топографиялык топторунун кезектеги жолугушуусу болуп өттү. Бул тууралуу минкаб билдирди.
Бул жолугушууда топографиялык жумушчу топтор кыргыз-тажик мамлекеттик чек арасынын 28.37 чакырымын макулдашты.
Тараптар Тажикстанда өтө турган кийинки жолугушууда калган аймактарды аныктоо боюнча ишти улантышат.
Жолугушуунун жыйынтыгында тиешелүү протоколго кол коюлду.