МинКаб камсыздандыруу тармагында квалификациялык талаптарды бекитти
Министрелер Кабинети камсыздандыруу рыногунун катышуучуларына жана камсыздандыруу (кайра камсыздандыруу) уюмдарын башкаруу боюнча убактылуу администрацияга квалификациялык талаптарды бекитүү жөнүндө токтом кабылды. Бул тууралуу Өкмөттүн басма сөз кызматынан билдиришти.
Маалыматка ылайык, тиешелүү чечимге МинКаб төрагасы Адылбек Касымалиев кол койду.
Документ “Камсыздандыруу жана камсыздандыруу иши жөнүндө” Кыргыз Республикасынын Мыйзамын ишке ашыруу максатында кабыл алынды.
Токтом менен Камсыздандыруу (кайра камсыздандыруу) уюмунун кызмат адамдарына коюлуучу квалификациялык талаптар жөнүндө жобо; Кыргыз Республикасындагы камсыздандыруу брокерлеринин иши жөнүндө жобо; Кыргыз Республикасындагы актуардык иш жөнүндө жобо; Камсыздандыруу (кайра камсыздандыруу) уюмдарын башкаруу боюнча убактылуу администрация жөнүндө жобо; Баалоочуларга, камсыздандыруу сюрвейерлерине жана аджастерлерге квалификациялык талаптар жөнүндө жобо бекитилди.
Токтом менен бул жактан тааныша аласыздар.
