Кыргызстан Евробиримдик менен санкциялар жана инвестиция боюнча кызматташууга даяр
Венгрияга болгон иш сапарынын алкагында Министрлер Кабинетинин Төрагасынын биринчи орун басары Данияр Амангелдиев Венгриянын тышкы иштер жана экономикалык байланыштар министри Петер Сийярто менен жолугушту.
Жолугушуунун жүрүшүндө тараптар Евробиримдиктин алкагындагы кызматташтыкты, анын ичинде санкцияларга байланыштуу маселелерди талкуулашты.
Данияр Амангелдиев Кыргызстандын туруктуу экономикалык өнүгүүсүн камсыз кылуунун маанилүүлүгүн баса белгилеп, Евробиримдикке мүчө мамлекеттер менен санкция маселеси боюнча конструктивдүү кызматташууну улантууга даяр экенин билдирди.
Ошондой эле, тараптар кыргыз-венгер мамилелеринин оң өнүгүп жатканын канааттануу менен белгилешти. Саясий диалогду бекемдөө, соода-экономикалык байланышты кеңейтүү жана инвестициялык өнөктөштүктү тереңдетүү — эки өлкө үчүн артыкчылыктуу багыттар катары көрсөтүлдү.
