Инклюзивдүү билим: майыптыгы бар балдарга жаңы мүмкүнчүлүктөр
Министрлер Кабинети психологиялык-медициналык-педагогикалык консультациянын типтүү жобосун бекитти. Бул тууралуу Өкмөттүн басма сөз кызматынан билдиришти.
Токтом акыл-эсинин жана дене мүмкүнчүлүктөрү чектелген балдарга, ошондой эле оорулу балдарга жалпы билим алууга мүмкүнчүлүк түзүүгө, аларды окутуу үчүн шарттарды камсыз кылууга жана зарыл психологиялык, педагогикалык, медициналык жана социалдык колдоону көрсөтүүгө багытталган.
Жобо Конституция жана улуттук мыйзамдар менен кепилденген ар бир бала үчүн сапаттуу жана жеткиликтүү билим алуусуна, анын ичинде майыптыгы бар балдарга да мүмкүнчүлүк түзөт. Бул чаралар билим берүү тармагындагы приоритеттерге жана 2030-жылга чейинки Туруктуу өнүгүү максаттарына шайкеш келет.
