Прокурордук чара көрүүлөрдүн эсебинен 9 айда мамлекетке 18 млрд сом түшкөн
Башкы прокуратура башкармалыгынын прокурору Тимур Асанбеков “Биринчи радио” эфиринде коррупцияга каршы туруудагы жасалган иштер боюнча айтып берди.
“2025-жылдын 9 айында прокуратура органдары коррупцияга каршы күрөшүү линиясы боюнча 6 487 текшерүү жүргүзүп, 18 849 мыйзам бузуу аныкташты. 9 267 прокурордук чара көрүү актысы киргизилип, кароолордун жыйынтыгы боюнча 5 520 адам дисциплинардык жоопкерчиликке тартылып, 1 591 административдик жоопкерчиликке тартылды”,-дейт Т. Асанбеков.
Прокурордук чара көрүү актылары боюнча мамлекет пайдасына жалпы 18 млрд сом суммасындагы чыгым калыбына келтирилген. Мамлекетке жалпы аянты 23 миң чарчы метр келген 41 социалдык объект 28 гектар жери менен кошо кайтарылган.
