Президент салык мыйзамына өзгөртүүлөрдү киргизүү жөнүндө мыйзамына кол койду
Президент Садыр Жапаров кечээ салык салуу тармагындагы айрым мыйзам актыларына өзгөртүү киргизүү жөнүндө мыйзамга кол койду.
Аталган документ салык мыйзамын жакшыртуу, салыктык администрациялоо процедураларын жөнөкөйлөштүрүү, ошондой эле таза атаандаштык үчүн шарт түзүү жана көмүскө экономиканы кыскартуу максатында кабыл алынганы айтылат.
Тагыраак айтканда, эми базарлар менен кичи базарлар аймагында иштеген субъектилердин салык мыйзамдарынын талаптарын сактоо көзөмөлүн МинКаб бекиткен базар администрациялары жүргүзөт.
Мындан сырткары жаңы документке ылайык жүн, тери жана мурда колдонулган аккумуляторлорго байланышкан ишкерлик киреше салыгынан бошотулат.
Ошондой эле жаңы мыйзамда футбол тармагы боюнча, эмгек мамилеси алкагында (анын ичинде эмгек акы, сый акы, кошумча акы, сыйлык, компенсация, материалдык жардам, ошондой эле башка стимул бере турган төлөмдөр кошулат) иш жүргүзгөн мекемелердин жалданма жумушчулар аркылуу табылган кирешелеринен киреше салыгы алынары каралган.
Мындан сырткары документте эмгек акынын накталай эмес формасы юридикалык жактар эле эмес, жеке ишкерлер тарабынан да жүргүзүлөрү жазылган.
