Айрым чет өлкөлүк маркетплейстердин Кыргызстанда каттоолору жок
Электрондук соода кылуу рыноктун басымдуу бөлүгүн ээлерин, бирок бардык эле чет өлкөлүк платформалар Кыргызстандын укуктук талаасында иштебесин Антимонополдук кызматтын укуктук камсыз кылуу жана керектөөчүлөрдүн укуктарын коргоо башкармалыгынын жетекчиси Нуржан Кадырбекова билдирди.
Анын айтымында, өлкөдө интернет-дүкөндөрдүн жана маркетплейстердин иштөө эрежесин бекиткен “Электрондук соода кылуу жөнүндө” мыйзамы иштейт.
“Айрым маркетплейстердин республикабызда өкүлчүлүктөрү бар жана алар жергиликтүү мыйзамдарга баш ийишет. Ошол эле кезде бир нече ири Кытай онлайн-аянтчалары катталган эмес жана керектөөчүлөр алдында эч кандай милдеттеме албайт”,-дейт ал.
Буга улай Кадырбекова каттоонун жоктугунан улам мамлекетке товардын сапатын, жеткирүү мөөнөтүн жана сын-пикирлерди кароо тартибин көзөмөлдөө кыйынга турарын кошумчалады.
“Азыр мамлекеттик органдар онлайн-платформалардын ишин жөнгө салуу механизмин түзүү жана электрондук соодада керектөөчүлөрдүн укугун коргоо үстүндө иштеп жатышат”,-дейт ал.
Эске салсак, март айында аталган агенттик кытайлык Temu, Pinduoduo, Alibaba маркетплейстери Кыргызстанда катталбаганын билдирген.
