Өлкөдө былтыр автоунаалар менен 62 млн тонна жүк ташылган
Кыргызстанда 2025-жылы автоунаа транспорту менен 62 млн тонна жүк (же алардын көлөмүнүн 80 пайыздан ашыгы) ташылган.
КРнын Статистикалык комитетинин маалыматына ылайык, жүк ташуулардын олуттуу бөлүгү (56 пайыздан ашыгы) жеке ишкерлер тарабынан ишке ашырылат.
2025-жылы жүк ташуулардын эң көп көлөмү Бишкек шаарынын, Талас, Чүй облустарындагы чарбалык субъекттерине туура келген.
Жүргүнчүлөрдү ташуу боюнча айтсак, алардын негизги көлөмү да (90 пайыздан ашыгы) автоунаа транспортуна (автобустар жана таксилерге) туура келет.
2025-жылы жеке жактарга таандык автобустар жана таксилер менен 381 млн же 58 пайыздан ашык жүргүнчүлөр ташылган. Ал эми атайын автоунаа транспорт ишканалары тарабынан 279 млн жүргүнчүлөр (42 пайызга жакыны) ташылган. Адистештирилген автобустар жана электроавтобустар менен ташуунун көлөмү өткөн жылга салыштырганда 1,6 эсе өстү.
Жүргүнчүлөрдүн эң көп саны Бишкек шаарынын, Чүй облусунун чарбалык субъекттери тарабынан ташылган.
2025-жылдын 1-январына карата республикада жеке менчик ээлеринин менчигинде 1,4 млндон ашык жеңил авто унаалар болгон. Алардын саны 2025-жылдын 1 январына салыштырмалуу 13 пайызга көбөйдү.
Республиканын туруктуу калкынын миңине алганда 191 жеңил автоунаа туура келген.
Жеңил автоунаалардын эң чоң үлүшү Чүй облусуна (калктын 1000ине 288 автоунаа), Бишкек шаарына (260 автоунаа) туура келген.
