С.Жапаров: "Кыргызстанда электр энергиясы башка өлкөлөрдүкүнө салыштырмалуу кыйла арзан"
Президент Садыр Жапаров жуманын аягында электр энергиясы, тышкы жана ички карыз,айдоочулук күбөлүк маселелери боюнча элге кайрылуу жасады. Анда өлкө башчы элди электр энергиясын үнөмдөп пайдаланууга чакырды.
“Ар бир күйүп турган 100 ваттык лампочка бир саат тынымсыз күйсө, Токтогул ГЭСинен 270 литр суу кетип жатат деп билиңиздер. Ошондуктан түнкүсүн баарын өчүрүп жатууну унутпаңыздар. Мен Европада 4 жыл жашадым. Ашыкча бир мүнөт дагы свет колдонушпайт. Дароо өчүрүшөт. Анткени ал жакта свет кымбат”-, дейт президент.
Буга улай ал Германияда кышкы мезгилде бир киловатт/саат электр энергиясы 50 сомдой турарын, ал эми Өзбекстанда жаран айына миң кВт/саат колдонсо биздин сом менен 3 сом 60 тыйындан төлөрүн жана канчалык көп электр энергиясы көп колдонулса ошончолуктарифи да жогору болорун баса белгилеген.
“Казакстандын Алматы шарында минималдуу электр энергияга болгон тариф сом менен 5 сомдон 8 сомго чейин. Бизде Кыргызстанда болгону 1 сом 37 тыйын. Албетте, ал жактарда эмгек акы жогору дешиңиздер мүмкүн. Ошол жогорку эмгек акылар жана ал жактарда жашоого болгон баалар менен салыштырып көрсөк, ошондо деле бизде свет эң арзан болуп чыкты”-деп кошумчалады элге кайрылуусунда С.Жапаров.
