Медиация менен талаш-тартыштарды чечүү боюнча жаңы мыйзам күчүнө кирет
Президент Садыр Жапаров “Медиация чөйрөсүндөгү айрым мыйзам актыларына өзгөртүүлөрдү киргизүү жөнүндө” Мыйзамга кол койду. Мыйзам 2025-жылдын 25-сентябрында Жогорку Кеңеш тарабынан кабыл алынган жана 2027-жылдын 1-январынан тартып күчүнө кирет.
Мыйзам талаш-тартыштарды тынчтык жолу менен чечүүгө калктын ишенимин бекемдөө, социалдык туруктуулукту камсыздоо жана медиацияны укуктук системада кеңири колдонуу максатында кабыл алынган. Ага ылайык, медиация жарандык жана жазык иштеринин айрым категорияларында сотко чейинки жана соттон тышкаркы чечүү механизми катары колдонулат, ошондой эле мамлекет кепилдеген юридикалык жардам системасына медиациялык кызматтар киргизилет.
Мыйзамдын негизги өзгөртүүлөрү:
- Тараптар медиациялык жолугушууга милдеттүү катышат.
- Медиация колдонулганда мамлекеттик алымдын жарымы гана төлөнөт.
- Жаза аткаруу жана кылмыш-жаза процессуалдык кодекстерге медиациялык макулдашуулар сотко тиркелет, бирок медиациялык жолугушууда алынган маалыматтар далил катары колдонулбайт.
- Мамлекет кепилдеген юридикалык жардам консультациялык жана квалификациялуу түрдө көрсөтүлөт.
- Эмгек талаш-тартыштар медиация аркылуу сотко чейинки милдеттүү тартип катары чечилет.
- Нотариалдык ырасталган медиациялык макулдашуулар аткаруу документтери катары таанылат.
Мыйзам эл арасында талаш-тартыштарды тынчтык жолу менен чечүүнү колдоо жана социалдык туруктуулукту камсыздоо максатында ишке кирет.
