Гүлчөдө 3,7 чакырым жолду оңдоо иштери 75 пайызга аяктады
Ош облусунун Гүлчө шаарындагы Алымбек датка көчөсүндө жол оңдоо иштеринин 75 % аяктады. Бул тууралуу президенттин аймактагы өкүлчүлүгүнөн билдиришти.
Маалыматка ылайык, жалпы узундугу 3,7 чакырымды түзгөн жолдун 2,7 чакырымына асфальттын биринчи катмары, ал эми 750 метрине экинчи катмары төшөлдү. Калган 2 чакырымга асфальт төшөө иштери жакынкы 2-3 күндө аяктары күтүлүүдө.
Ошондой эле жолдун 1 чакырым саздак тилкесинде атайын материалдар төшөлүп, таш менен толтуруу жана тегиздөө иштери жүргүзүлүүдө.
Мындан тышкары, жол жээктерине бордюрларды жана суу өткөрүүчү лотокторду орнотуу иштери уланууда. Эскирген суу түтүктөрү толугу менен жаңыларына алмаштырылды.
Учурда калган иштерди белгиленген мөөнөттө аяктоо боюнча жумуштар жүрүүдө.
