Саясат

Кыргызстан алтын менен камсыздалган USDKG санарип валютасын ишке киргизди

Ишкер Media

20 ноя 2025 16:20

Бүгүн Президент Садыр Жапаров физикалык алтын менен камсыздалган жана АКШ долларына байланган улуттук стейблкоин — USDKG санарип токенинин алгачкы эмиссиясынын расмий ишке киргизүү аземине катышты. Бул тууралуу Президенттин Администрациясынан билдиришти.

Иш-чарага финансы министри Алмаз Бакетаев жана "Виртуалдык Активдердин Эмитенти" ААКынын жетекчилиги катышты. Аземдин жүрүшүндө катышуучулар Tron блокчейнинде 50 млн даана USDKGчыгарылганын жана жүгүртүүгө расмий берилгенин жарыялашты. Ар бир токен 1 АКШ долларына барабаржана физикалык алтын менен толук камсыздалган.

USDKG — Кыргыз Республикасы тарабынан толугу менен колдоого алынган биринчи улуттук стейблкоин. Ал алтындын туруктуулугу менен санарип технологияларынын эффективдүүлүгүн айкалыштырып, өлкөнүн глобалдык финансы рынокторундагы позициясын чыңдоого багытталган.

Долбоор Кыргызстандын Web3-инфраструктурасын өнүктүрүүгө, мамлекет менен бизнес секторунун өз ара иштешүүсүн жаңы деңгээлге чыгаруусуна шарт түзөт. Ошондой эле USDKG инвестициялык климатты жакшыртып, капиталдын агымын көбөйтүүгө өбөлгө болот.

Эмиссияны мамлекетке 100% таандык "Виртуалдык Активдердин Эмитенти" ААКы жүргүзөт. Бул анын ишенимдүүлүгүн жана туруктуулугун камсыздайт.

USDKG — өлкөнүн санариптик экономикага өтүүсүндөгү маанилүү кадам болуп, реалдуу активдерге таянган санарип каржы инструменттеринин келечеги бар экенин көрсөтөт.

Мындан тышкары окуңуз

Гүлчөдө 3,7 чакырым жолду оңдоо иштери 75 пайызга аяктады

Ош облусунун Гүлчө шаарындагы Алымбек датка көчөсүндө жол оңдоо иштеринин 75 % аяктады. Бул тууралуу президенттин аймактагы өкүлчүлүгүнөн билдиришти. Маалыматка ылайык, жалпы узундугу 3,7 чакырымды түзгөн жолдун 2,7 чакырымына асфальттын биринчи катмары, ал эми 750 метрине экинчи катмары төшөлдү. Калган 2 чакырымга асфальт төшөө иштери жакынкы 2-3 күндө

Кыргызстандын Казакстанга экспорту 8 айда дээрлик 14% көбөйдү

Бүгүн Соода-өнөр жай палатасы Бишкекте Кыргыз-Казак ишкерлер кеңешинин кеңейтилген жыйыны өтүп, ага эки өлкөнүн ишкер чөйрөлөрүнүн өкүлдөрү катышканын билдирди. КРнын Соода-өнөр жай палатасынын президенти Темир Сариев өз сөзүндө соода-экономикалык кызматташтыктын өсүшүнө карабастан, чек арадагы көйгөйлөр ишкерлерге олуттуу тоскоолдук жаратып жатканын билдирди. Анын айтымында, 2025-жылы эки

ИИМ акысыз интернет сунуштаган алдамчылардан сак болууну эскертти

Ички иштер министрлиги жарандарды акысыз спутниктик интернетке туташтыруу шылтоосу менен жасалышы мүмкүн болгон алдамчылык аракеттерден сак болууга чакырды. Бул тууралуу министрликтин басма сөз кызматы кабарлады. Маалыматка ылайык, алдамчылар WhatsApp аркылуу спутниктик интернет сыноо иретинде ишке киргизилгени тууралуу жалган билдирүүлөрдү таратып, акысыз туташууну жана интернеттин ылдамдыгын жогорулатууну сунушташууда. Андан соң интернетти

Бишкектен Токмок, Кант, Кара-Балтага туруктуу автобус каттамдарын киргизүү сунушталды

Жогорку Кеңештин депутаты Дастан Бекешов Бишкектен Чүй облусунун шаарларына жана калктуу конуштарына туруктуу автобус каттамдарын уюштурууну сунуштады. Бул тууралуу ал бүгүн, 28-октябрда, парламенттин жыйынында билдирди. Депутаттын айтымында, Токмок, Кант, Кемин, Сокулук жана Кара-Балтадан Бишкекке каттаган тургундар эртең менен жана кечинде транспорт жетишсиздигинен кыйналып жатышат. “Жарандар кайрылып жатышат. Кечки