Касымалиев Нарынга жаңы автобустар менен коммуналдык техникаларды тапшырды

Министрлер Кабинетинин Төрагасы Адылбек Касмалиев Нарын облусуна болгон иш сапарынын алкагында Нарын шаарына жаңы келген техникалар жана автобустарды тапшырды. Бул тууралуу өкмөттүн басма сөз кызматынан билдиришти.

МинКаб башчысы Адылбек Касымалиев Коммуналдык жана шаар чарба кызматтары үчүн алынган жаңы атайын техниканын, ошондой автобустарды көрүп чыкты. Нарын шаарына 34 атайын багыттагы техникаларды сатып алуу боюнча түзүлгөн келишимге ылайык бүгүнкү күндө 11 автобус жана техникалардын ачкычтары тапшырылды.

Белгилей кетсек, Президент Садыр Жапаровдун тапшырмасына ылайык, Нарын шаарынын транспорт жана курулуш инфраструктурасын өнүктүрүү максатында Президенттин турукташтыруу фондунан Нарын шаардык мэриясына 250 000 000 (эки жүз элүү миллион) сом каражат, анын ичинен 230 000 000 (эки жүз отуз миллион) сом атайын техникага бөлүнгөн.

Өз кезегинде МинКаб Төрагасы Адылбек Касымалиев техникалар шаар үчүн узак жылдар кызмат кылуусу үчүн аяр мамиле кылууга чакырды.