Аскердик кызматташтыкты өнүктүрүү планы кабыл алынды
Бүгүн Бишкекте Кыргызстандын төрагалыгы алдында Жамааттык коопсуздук келишим уюмуна мүчө мамлекеттердин Тышкы иштер министрлер кеңешинин, Коргоо министрлер кеңешинин жана Коопсуздук кеңешинин катчыларынын комитетинин биргелешкен жыйыны өттү.
Жыйында аймактык коопсуздукту чыңдоо, жамааттык коргонуунун натыйжалуулугун жогорулатуу, тышкы саясий аракеттерди координациялоо жана азыркы коопсуздук чакырыктарына каршы туруу маселелери талкууланды.
Ошондой эле тараптар уюмга мүчө мамлекеттердин коргонуу жана коопсуздук чөйрөсүндөгү кызматташуусунун стратегиялык багыттары, трансулуттук коркунучтарга, анын ичинде терроризмге жана кибер коркунучтарга каршы туруу чаралары боюнча пикир алмашышкан.
Жыйындын жыйынтыктоодо баңгизатка каршы стратегия жана жакынкы беш жылга аскердик кызматташтыкты өнүктүрүү планы кабыл алынды. Ошондой эле ЖККУнун КМШ жана ШКУ сыяктуу башка эл аралык уюмдар менен өнөктөштүгүн өнүктүрүүгө көңүл бурулду.
