А.Касымалиев Берлинден Кыргызстандагы балдар үйүнө белек жөнөттү
КРнын Министрлер Кабинетинин Төрагасы Адылбек Касымалиев Берлинге болгон иш сапарынын жүрүшүндө Германиянын борборундагы “Кыргыз почтасы” ААКнын чет өлкөдөгү эл аралык почта алмашуу борборуна барды.
Сапардын жүрүшүндө ал борбордун ишмердүүлүгү, анын ичинде эл аралык почтаны сорттоо, таңгактоо, кайра иштетүү жана жөнөтүү боюнча заманбап технологиялары тууралуу маалымат алды.
Төраганын Кыргызстандын балдар үйлөрүнүн бирине өзүнүн атынан белек жөнөтүүсү бул сапардын өзгөчөлүгү болуп калды. Анда 50 белек бар, топтомунда билим берүүчү оюндар, китептер, кеңсе буюмдары жана таттуулар орун алды.
Адылбек Касымалиев жөнөтүлгөн белектер Бишкекке ылдамыраак жетип, Жаңы жылды утурлай балдарды кубандырат деген ишенимин билдирди.
