БШК быйыл шайлоочулардын саны 50%га чейин жогорулашы мүмкүн экенин билдирди
Аралыктан добуш берүү системасын киргизүү менен шайлоочулардын саны 40-50%га жогорулашы мүмкүн экенин борбордук шайлоо комиссиясынын төрагасы Тынчтык Шайназаров билдирди.
“Аралыктан добуш берүү системасын киргизүү жана маалымдоо, түшүндүрүү иштерин жүргүзүү менен шайлоого катышуу деңгээли жогорулайт деп ишенебиз. Мурун бул көрсөткүч 30% болсо, азыр 40-50%га жетет деген үмүт бар. Ошондуктан, бардык жарандарды эртең шайлоо участкасына келип, өз добуштарын берип кетүүгө чакырам”, – деди ал.
Боршайкомдун маалыматына ылайык, шайлоочулардын тизмесине 4 млн 294 миң 243 жаран киргизилген:
- эркектер – 2 млн 81 миң 514, же 48,47%;
- аялдар – 2 млн 212 миң 729, же 51,52%;
- жаштар - 1 млн 811 миң 073, же 42%.
